पूवपश्चिम राजमार्ग अन्तर्गत निजगढ- पथलैया सडकखण्डको १३ किलोको जंगलमा मोटरसाइकलको ठक्करबाट साईकलमा सवार एकजना गंम्भीर घाइते भएका छन ।

जीतपुरसिमरा उपमहानगरपालिका १६ टाङ्गियाबस्तिका अन्दाजी ३५ बर्सिया प्रेमबहादुर आले मगर गम्भीर घाईते भएका हुन । घाइते मगरकाृ निजगढ सामुदायिक अस्पतालमा उपचार हुन नसकेपछि थप उपचारको लागि वीरगञ्ज पठाइएको छ । आलेको टाउको, हात र खुट्टामा गहिरो चोट लागेको प्रहरीले बताएको छ । ठक्कर दिने मोटरसाइकलको भने पहिचान हुन नसकेको निजगढ प्रहरीले जनाएको छ । घटना स्थलको प्रकृति हेर्दा मोटरसाइकलले ठक्कर दिएको जस्तो देखिएको इलाका प्रहरी कार्यालय निजगढका निरीक्षक घनश्याम श्रेष्ठले बताउनुभयो ।

घटनास्थल नजिक मोटरसाइकको फुटेको पार्टका टुक्राहरु फेला परेकोले यस्तो अनुमान गरिएको उहाँको भनाइ छ । मगरलाई ठक्कर दिने मोटरसाइकल चालक फरार भएको र खोजी कार्य जारी राखिएको निरीक्षक श्रेष्ठले जानकारी दिनुभयो । पथलैयाबाट घरतर्फ आउदै गरेका उनलाई सोहि दिशाबाट आउदै गरेको मोटरसाइकलले दिउसो करिव ३ बजेको समयमा पछाडिबाट ठक्कर दिएको हो ।

घटना लगत्तै जिल्ला ट्राफिक कार्यालय निजगढबाट पुगेको टोलीले उद्धार गरेर मगरलाई निजगढमा ल्याएको थियो ।